ຂ້າມໄປຫາເນື້ອຫາ
DOISAN
ໜ້າຫຼັກລົງທະບຽນລ່ວງໜ້າ

DOISAN · DOISAN Driver

ຄຳຖາມທີ່ພົບເລື້ອຍ

ປັບປຸງຫຼ້າສຸດ: 15 ພະຈິກ 2026

ເນື້ອໃນ

  1. ສຳລັບຄົນຂັບ
  2. ສຳລັບຜູ້ໂດຍສານ
  3. ບັນຊີ ແລະ ຂໍ້ມູນສ່ວນຕົວ
  4. ຕິດຕໍ່ພວກເຮົາ

ຄຳຕອບສັ້ນໆ ສຳລັບຜູ້ໃຊ້ແອັບ DOISAN (ຜູ້ໂດຍສານ) ແລະ DOISAN Driver (ຄົນຂັບ). ຖ້າບໍ່ພົບຄຳຕອບທີ່ທ່ານຕ້ອງການ, ກະລຸນາສົ່ງອີເມວຫາ contact@doisan.la.

1. ສຳລັບຄົນຂັບ

ແອັບ DOISAN Driver ແມ່ນຫຍັງ?

ແມ່ນແອັບສຳລັບຄົນຂັບຂອງ DOISAN. ທ່ານເຫັນງານທີ່ຢູ່ໃກ້ ພ້ອມລາຄາທີ່ຜູ້ໂດຍສານສະເໜີ, ແລະ ເລືອກຮັບງານເອງ.

ລາຄາຖືກກຳນົດແນວໃດ?

ຜູ້ໂດຍສານເປັນຜູ້ສະເໜີລາຄາ. ທ່ານເລືອກຮັບງານທີ່ທ່ານພໍໃຈ, ແລະ ຜູ້ໂດຍສານເລືອກຄົນຂັບຈາກຜູ້ທີ່ຕອບຮັບ. ການເດີນທາງລະຫວ່າງເມືອງ ຕົກລົງລາຄາກັນໄດ້.

ສະຖານະ Online ແລະ Offline ແມ່ນຫຍັງ?

ເມື່ອທ່ານເປີດສະຖານະ Online, ແອັບຈະສົ່ງງານທີ່ຢູ່ໃກ້ໃຫ້ທ່ານ ແລະ ເກັບຕຳແໜ່ງຂອງທ່ານ ເພື່ອຈັບຄູ່ງານ ແລະ ສະແດງຕຳແໜ່ງລົດໃຫ້ຜູ້ໂດຍສານເຫັນລະຫວ່າງການເດີນທາງ. ເມື່ອທ່ານປ່ຽນເປັນ Offline, ແອັບຈະຢຸດເກັບຕຳແໜ່ງ ແລະ ທ່ານຈະບໍ່ໄດ້ຮັບງານໃໝ່.

ເປັນຫຍັງແອັບຕ້ອງໃຊ້ຕຳແໜ່ງ ເຖິງແມ່ນບໍ່ໄດ້ເປີດໜ້າແອັບຢູ່?

ເພື່ອໃຫ້ທ່ານຍັງໄດ້ຮັບງານ ແລະ ຜູ້ໂດຍສານຍັງເຫັນລົດຂອງທ່ານ ໃນຂະນະທີ່ທ່ານເປີດແອັບອື່ນ ຫຼື ປິດໜ້າຈໍ. ແອັບເກັບຕຳແໜ່ງແບບນີ້ສະເພາະເວລາທີ່ທ່ານຢູ່ໃນສະຖານະ Online ເທົ່ານັ້ນ. ທ່ານປິດສິດເຂົ້າເຖິງຕຳແໜ່ງໄດ້ໃນການຕັ້ງຄ່າຂອງອຸປະກອນ, ແຕ່ຈະບໍ່ສາມາດຮັບງານໄດ້. ອ່ານເພີ່ມເຕີມໃນ ນະໂຍບາຍຄວາມເປັນສ່ວນຕົວ ຂໍ້ 2.

Women to Women ແມ່ນຫຍັງ?

ແມ່ນບໍລິການສຳລັບຜູ້ໂດຍສານຍິງ ແລະ ເດັກອາຍຸບໍ່ເກີນ 15 ປີ ໂດຍຈັດໃຫ້ຄົນຂັບຍິງ ດ້ວຍລົດໃຫຍ່ສ່ວນຕົວ.

DOISAN ໃຊ້ລົດປະເພດໃດແດ່?

  • ເດີນທາງໃນເມືອງ: ລົດຈັກ, ລົດໃຫຍ່ທົ່ວໄປ ແລະ ລົດນັ່ງສະບາຍ ລວມທັງລົດໄຟຟ້າ
  • ເດີນທາງລະຫວ່າງເມືອງ: ລົດໃຫຍ່, SUV ຫຼື ລົດຕູ້
  • ສົ່ງເຄື່ອງດ່ວນ: ລົດຈັກ ຫຼື ລົດນ້ອຍ
  • ຂົນສົ່ງສິນຄ້າ: ລົດກະບະ, ລົດຕູ້ ແລະ ລົດບັນທຸກ
  • ລາກລົດ: ລົດຍົກ ແລະ ລົດສະໄລດ໌

ສອບຖາມເງື່ອນໄຂ ແລະ ເອກະສານສຳລັບສະໝັກເປັນຄົນຂັບ ໄດ້ທີ່ contact@doisan.la.

2. ສຳລັບຜູ້ໂດຍສານ

ເອີ້ນລົດແນວໃດ?

  1. ໃສ່ຈຸດຮັບ ແລະ ຈຸດໝາຍ
  2. ສະເໜີລາຄາທີ່ທ່ານພໍໃຈ
  3. ເລືອກຄົນຂັບ ຈາກຜູ້ທີ່ຕອບຮັບ
  4. ອອກເດີນທາງ ຕາມລາຄາທີ່ຕົກລົງກັນໄວ້

DOISAN ມີບໍລິການຫຍັງແດ່?

ເດີນທາງໃນເມືອງ, Women to Women, ເດີນທາງລະຫວ່າງເມືອງ, ສົ່ງເຄື່ອງດ່ວນ, ຂົນສົ່ງສິນຄ້າ, ຂົນສົ່ງສຳລັບທຸລະກິດ, ລາກລົດ ແລະ ໂຄສະນາກັບ DOISAN.Ads ດ້ວຍຈໍ LED ໃນລົດ ແລະ ສະຕິກເກີຕິດລົດ.

ຂ້ອຍຈະເລືອກຄົນຂັບຍິງໄດ້ບໍ?

ໄດ້. ເລືອກບໍລິການ Women to Women ສຳລັບຜູ້ໂດຍສານຍິງ ແລະ ເດັກອາຍຸບໍ່ເກີນ 15 ປີ.

ເປັນຫຍັງແອັບຕ້ອງການຕຳແໜ່ງຂອງຂ້ອຍ?

ແອັບ DOISAN ໃຊ້ຕຳແໜ່ງຂອງທ່ານ ໃນຂະນະທີ່ທ່ານກຳລັງໃຊ້ແອັບ ເພື່ອກຳນົດຈຸດຮັບ ແລະ ຈຸດສົ່ງ, ຄຳນວນຄ່າໂດຍສານ ແລະ ຊອກຫາຄົນຂັບທີ່ຢູ່ໃກ້. ຖ້າທ່ານປິດສິດເຂົ້າເຖິງຕຳແໜ່ງ, ທ່ານຈະບໍ່ສາມາດເອີ້ນລົດໄດ້.

3. ບັນຊີ ແລະ ຂໍ້ມູນສ່ວນຕົວ

ລຶບບັນຊີແນວໃດ?

ລຶບບັນຊີໄດ້ເອງໃນແອັບ ຫຼື ສົ່ງອີເມວຫາ contact@doisan.la ໂດຍໃຊ້ອີເມວ ຫຼື ເບີໂທລະສັບດຽວກັບທີ່ລົງທະບຽນໄວ້. ເມື່ອລຶບບັນຊີ, ຂໍ້ມູນຕຳແໜ່ງ ແລະ ປະຫວັດການເດີນທາງຂອງທ່ານຈະຖືກລຶບພາຍໃນ 30 ວັນ.

ໃຜເຫັນຕຳແໜ່ງຂອງຂ້ອຍ?

ຜູ້ໂດຍສານ ແລະ ຄົນຂັບໃນງານດຽວກັນ ສະເພາະໃນລະຫວ່າງງານນັ້ນ, ແລະ Google Maps ເພື່ອສະແດງແຜນທີ່ ແລະ ຄຳນວນເສັ້ນທາງ. ລາຍລະອຽດທັງໝົດຢູ່ໃນ ນະໂຍບາຍຄວາມເປັນສ່ວນຕົວ.

4. ຕິດຕໍ່ພວກເຮົາ

DOISAN CO., LTD · ນະຄອນຫຼວງວຽງຈັນ, ສປປ ລາວ
ອີເມວ: contact@doisan.la
ແອັບ: DOISAN (la.doisan.user) · DOISAN Driver (la.doisan.driver)

ວິທີເອີ້ນລົດ

DOISAN

© 2026 DOISAN CO., LTD

ຕິດຕໍ່ contact@doisan.laຄຳຖາມທີ່ພົບເລື້ອຍນະໂຍບາຍຄວາມເປັນສ່ວນຕົວຂໍ້ກຳນົດການນຳໃຊ້